راولپنڈی: توشہ خانہ 2 کیس میں عدالت میں پیش نہ ہونے پر بشریٰ بی بی کے قابلِ ضمانت وارنٹ گرفتاری جاری کر دیے گئے۔ عدالت نے ان کے ضامن کو بھی نوٹس جاری کرتے ہوئے آئندہ سماعت پر طلب کرلیا
اسپیشل جج سینٹرل اسلام آباد شاہ رخ ارجمند نے اڈیالہ جیل میں سماعت کی، جہاں پبلک پراسیکیوٹر سید ذوالفقار عباس نقوی اپنی ٹیم کے ساتھ پیش ہوئے۔ سماعت میں بانی پی ٹی آئی عمران خان کو عدالت میں پیش نہیں کیا گیا جبکہ بشریٰ بی بی کی مسلسل 10 سماعتوں میں غیر حاضری پر عدالت نے برہمی کا اظہار کیا۔
عدالت نے بشریٰ بی بی کے وارنٹ جاری کرتے ہوئے کیس کی سماعت 9 دسمبر تک ملتوی کر دی۔ مزید یہ بھی حکم دیا کہ بشریٰ بی بی کے ضامن آئندہ سماعت پر پیش ہوں اور وضاحت کریں کہ بشریٰ بی بی کی مسلسل غیر حاضری پر ان کے مچلکے کیوں نہ ضبط کیے جائیں۔