کراچی واٹر کارپوریشن کے مرکزی دفتر میں آتشزدگی کا واقعہ پیش آیا، جس میں کارساز محکمہ ریونیو ریکوری ڈپارٹمنٹ کے کانفرنس روم میں ایئر کنڈیشنر کے سرکٹ سے آگ بھڑک اٹھی۔ تاہم، فوری کارروائی کرتے ہوئے واٹر کارپوریشن کی گاڑیوں اور فائر بریگیڈ کے 2 فائر ٹینڈرز نے آگ پر قابو پا لیا۔
ترجمان واٹر کارپوریشن کے مطابق اس واقعے میں کوئی جانی نقصان نہیں ہوا اور ادارے کا تمام ریکارڈ محفوظ ہے۔ ریکارڈ کمپیوٹرائزڈ ہونے کے ساتھ ساتھ متعلقہ ڈویژنوں میں بھی محفوظ ہے، لہٰذا اس حوالے سے گردش کرنے والی خبروں میں صداقت نہیں۔
فائر بریگیڈ کے ترجمان نے بھی آگ پر قابو پانے کے کامیاب آپریشن کی اطلاع دی۔