وزیر اعلیٰ خیبر پختونخوا علی امین گنڈاپور نے انکشاف کیا ہے کہ انہیں گزشتہ روز بانی پی ٹی آئی سے ملاقات کی اجازت نہیں دی گئی۔
میڈیا سے گفتگو کرتے ہوئے علی امین گنڈاپور نے کہا، "میں خیبر پختونخوا کا نمائندہ ہوں اور مجھے کسی کلیئرنس کی ضرورت نہیں۔ جو لوگ اوچھے ہتھکنڈے استعمال کر رہے ہیں، کیا ان کے پاس کلیئرنس ہے؟”۔ انہوں نے مزید کہا کہ سول نافرمانی تحریک کا آغاز بانی پی ٹی آئی کے حکم پر کیا جائے گا اور ہم ان کے اشارے کے منتظر ہیں۔
قبل ازیں، پشاور ہائیکورٹ نے علی امین گنڈاپور کی ایک ماہ کی حفاظتی ضمانت منظور کرتے ہوئے پولیس کو ہدایت دی کہ انہیں درج مقدمات میں گرفتار نہ کیا جائے۔