اسلام آباد اور خیبرپختونخوا کے متعدد علاقوں میں زلزلے کے جھٹکے

اسلام آباد سمیت خیبرپختونخوا کے مختلف شہروں میں زلزلے کے شدید جھٹکے محسوس کیے گئے، جن کی شدت 5.3 ریکارڈ کی گئی۔

ذرائع کے مطابق، وفاقی دارالحکومت اور خیبرپختونخوا کے دیگر شہروں میں یہ جھٹکے صبح 10 بج کر 13 منٹ پر محسوس کیے گئے۔ پشاور، ایبٹ آباد، سوات، شانگلہ، مردان، مالاکنڈ اور بونیر کے ساتھ ساتھ مہمند، شبقدر اور اٹک میں بھی لوگوں نے جھٹکوں کا احساس کیا۔

زلزلہ پیما مرکز کے مطابق زلزلے کا مرکز افغانستان میں کوہ ہندوکش ریجن تھا اور اس کی گہرائی 220 کلومیٹر زیر زمین ریکارڈ کی گئی۔