جنوبی کوریا میں مارشل لاء کا اختتام، صدر کا اہم اعلان

جنوبی کوریا کے صدر نے پارلیمنٹ کی قرارداد کے بعد ملک میں نافذ مارشل لاء کو ختم کرنے کا اعلان کر دیا۔

صدر کا کہنا تھا کہ کابینہ کا اجلاس جلد طلب کیا جائے گا، جس میں پارلیمنٹ کی منظوری کے بعد مارشل لاء کے خاتمے کی کارروائی مکمل کی جائے گی۔

یاد رہے کہ صدر نے اپوزیشن پر ریاست مخالف سرگرمیوں کا الزام عائد کرتے ہوئے مارشل لاء نافذ کیا تھا، تاہم پارلیمنٹ میں مارشل لاء کے خلاف بھاری اکثریت سے قرارداد منظور کی گئی۔

جنوبی کوریا کی 300 رکنی پارلیمنٹ میں 190 اراکین نے مارشل لاء کے خلاف ووٹ دے کر صدر کے فیصلے کو کالعدم قرار دے دیا۔ اس اعلان کے بعد ملک میں اپوزیشن کی جانب سے خوشی کا اظہار کیا جا رہا ہے۔

واضح رہے کہ صدر یون سک یول نے خطاب میں مارشل لاء نافذ کرنے کی وجہ اپوزیشن کی جانب سے مبینہ ریاست مخالف اقدامات اور شمالی کوریا کی حمایت قرار دی تھی۔