اسکردو میں جاری برفباری نے موسم کو شدید سرد کر دیا، جہاں درجہ حرارت منفی 13 ڈگری سینٹی گریڈ تک پہنچ گیا، جس کے باعث اسکردو سب سے سرد مقام رہا۔
شدید برفباری کی وجہ سے استور کے بالائی علاقوں کا زمینی رابطہ منقطع ہو چکا ہے۔ محکمہ موسمیات کے مطابق آج ملک کے زیادہ تر حصوں میں موسم خشک اور سرد رہنے کی توقع ہے، جبکہ پہاڑی علاقوں میں سخت سردی برقرار رہے گی۔
خیبر پختونخوا کے میدانی علاقوں اور وسطی سندھ میں اسموگ اور دھند چھائے رہنے کا امکان ظاہر کیا گیا ہے۔
گزشتہ 24 گھنٹوں میں شمال مشرقی پنجاب، گلگت بلتستان، اور کشمیر میں بارش اور پہاڑوں پر برفباری ہوئی۔ اس کے علاوہ پنجاب کے میدانی علاقوں اور بالائی سندھ میں دھند اور اسموگ کا راج رہا۔
اسکردو کے بعد سب سے سرد مقام لہہ رہا، جہاں درجہ حرارت منفی 12 ڈگری سینٹی گریڈ ریکارڈ کیا گیا۔ گوپس میں منفی 10، گلگت میں منفی 8، استور اور قلات میں منفی 6، جبکہ کوئٹہ میں منفی 5 اور زیارت، ہنزہ، اور کالام میں منفی 4 ڈگری سینٹی گریڈ ریکارڈ کیا گیا۔