خیبرپختونخوا میں موسم سرما کی تعطیلات میں مزید توسیع

خیبرپختونخوا میں تمام اسکولوں میں موسم سرما کی تعطیلات میں مزید توسیع کردی گئی ہے۔ محکمہ تعلیم خیبرپختونخوا نے اس حوالے سے نوٹیفکیشن جاری کر دیا ہے۔

نوٹیفکیشن کے مطابق، صوبے بھر میں تمام اسکول 6 جنوری تک بند رہیں گے۔

یاد رہے کہ اس سے پہلے محکمہ تعلیم نے 31 دسمبر تک تعطیلات کا اعلان کیا تھا۔ جاری اعلامیے میں کہا گیا تھا کہ صوبے کے میدانی علاقوں میں موسم سرما کی تعطیلات 23 دسمبر سے 31 دسمبر تک ہوں گی، جبکہ پہاڑی علاقوں میں یہ تعطیلات 23 دسمبر سے 29 فروری 2024 تک جاری رہیں گی۔