روس مذاکرات پر نہ آیا تو مزید پابندیاں لگائیں گے، ڈونلڈ ٹرمپ

امریکی صدر ڈونلڈ ٹرمپ نے خبردار کیا ہے کہ اگر روس مذاکرات کی میز پر نہ آیا تو اس پر مزید پابندیاں عائد کی جائیں گی۔

میڈیا سے گفتگو کرتے ہوئے انہوں نے کہا کہ یوکرین کے مسئلے کے حل کے لیے چین کے صدر سے مدد طلب کی ہے۔ مزید برآں، انہوں نے یورپی یونین پر زور دیا کہ وہ یوکرین کے لیے امداد میں اضافہ کرے۔

انہوں نے یہ بھی کہا کہ لاس اینجلس میں آگ سے بہت نقصان ہوا ہے اور کیلی فورنیا میں پانی کی دستیابی کے حوالے سے ایک نیا حکم جاری کریں گے۔

ٹرمپ نے یہ بھی انکشاف کیا کہ انہوں نے ٹک ٹاک کے مالک سے ملاقات کی ہے اور تجویز دی ہے کہ اگر کوئی ٹک ٹاک کو خرید لے تو اس کی نصف آمدنی امریکہ کو دی جائے۔

انہوں نے مصنوعی ذہانت کے ایک بڑے منصوبے کا اعلان بھی کیا جس کے تحت ایک لاکھ نئی ملازمتیں پیدا ہوں گی اور اس منصوبے میں 500 ارب ڈالر کی سرمایہ کاری کی جائے گی۔