سندھ میں شب برات کے موقع پر تعلیمی اداروں میں تعطیل کا اعلان

کراچی: محکمہ تعلیم سندھ نے شب برات کے موقع پر 14 فروری، بروز جمعہ صوبے بھر میں سرکاری و نجی تعلیمی ادارے بند رکھنے کا اعلان کر دیا۔ اس حوالے سے باضابطہ نوٹیفکیشن بھی جاری کر دیا گیا ہے۔

محکمہ تعلیم کے مطابق تمام اسکولز اور کالجز عام تعطیل کے باعث بند رہیں گے، تاکہ طلبہ اور اساتذہ شب برات کی عبادات میں شرکت کر سکیں۔

واضح رہے کہ شب برات اسلامی مہینے شعبان کی 15 ویں شب کو منائی جاتی ہے، اور اس موقع پر ملک بھر میں خصوصی مذہبی اجتماعات، مساجد میں عبادات اور دعائیہ محافل کا انعقاد کیا جاتا ہے۔