ایران میں موٹر بائیک کے ذریعے دنیا کا سفر کرنے والے برطانوی جوڑے کو جاسوسی کے شبہ میں گرفتار کر لیا گیا۔
ایرانی حکام کے مطابق مذکورہ جوڑا ایران کے مختلف علاقوں سے خفیہ معلومات اکٹھی کر رہا تھا اور انہیں رواں سال جنوری میں جنوبی شہر کرمان سے حراست میں لیا گیا تھا۔
میڈیا رپورٹس کے مطابق ایرانی عدلیہ کے ترجمان نے تصدیق کی ہے کہ اس جوڑے پر باضابطہ طور پر دشمن ممالک کی انٹیلی جنس ایجنسیوں سے روابط کا الزام عائد کیا گیا ہے۔
ابتدائی طور پر ایرانی حکام نے گرفتار شدگان کے نام ظاہر نہیں کیے تھے، تاہم بعد ازاں برطانوی دفتر خارجہ کے ذریعے ان کی شناخت کریگ اور لنزے فورمین کے نام سے ہوئی۔