رمضان المبارک کے لیے اسکولوں کے اوقات کار میں تبدیلی

پنجاب اور سندھ میں رمضان المبارک کے دوران اسکولوں کے اوقات کار میں تبدیلی کر دی گئی ہے۔ نئے شیڈول کے مطابق پنجاب میں تعلیمی سرگرمیاں صبح 8:30 بجے سے شروع ہوں گی، جبکہ چھٹی دن 1 بجے ہوگی۔ جمعہ کے روز اسکول 12:30 بجے بند ہوں گے۔

ڈبل شفٹ والے اسکولوں میں پہلی شفٹ صبح 8:30 سے 12:30 بجے تک، جبکہ دوسری شفٹ 1 بجے سے 4 بجے تک جاری رہے گی۔ جمعہ کے روز دوسری شفٹ 2:30 بجے شروع ہو کر 5 بجے ختم ہوگی۔

سندھ میں جاری کردہ نوٹیفکیشن کے مطابق، ڈبل شفٹ والے پرائمری اسکولوں میں پہلی شفٹ صبح 7:30 سے 11:30 بجے تک، جبکہ دوسری شفٹ 11:45 بجے سے 2:45 بجے تک ہوگی۔
سنگل شفٹ والے اسکول صبح 8 بجے سے 12:30 بجے تک کھلیں گے۔ جمعہ کے روز پرائمری اسکولوں میں پہلی شفٹ صبح 7:30 سے 10:30 بجے تک ہوگی، جبکہ سنگل شفٹ والے اسکول 8 بجے سے 11:30 بجے تک کھلے رہیں گے۔ دوسری شفٹ 11:45 بجے شروع ہو کر 1:15 بجے ختم ہوگی۔