مہوش حیات کو شادی کے لیے ذہین اور ہمدرد ساتھی کی تلاش

معروف فلم و ٹی وی اداکارہ مہوش حیات نے انکشاف کیا ہے کہ وہ شادی کے بارے میں سنجیدگی سے سوچ رہی ہیں اور ایک ایسے ساتھی کی تلاش میں ہیں جو ذہین اور نرم دل ہو، جس کا اپنی فیملی اور کام کے حوالے سے رویہ مثبت ہو۔

ایک حالیہ انٹرویو میں انہوں نے کہا کہ اب کچھ عرصے سے ان کی توجہ شادی کی طرف مبذول ہوئی ہے، اس سے قبل وہ اس بارے میں سوچنے کے لیے تیار نہیں تھیں۔

اداکارہ کا کہنا تھا کہ رشتے تو آتے رہتے ہیں، مگر وہ عموماً کسی نہ کسی بہانے سے بات کو ٹال دیتی تھیں۔ اب انہیں محسوس ہوتا ہے کہ اگر کوئی مناسب شخص مل جائے تو بات چیت میں کوئی حرج نہیں ہے۔

انہوں نے مزید کہا کہ پہلے ان کی تمام تر توجہ اپنے کام پر تھی اور شادی جیسے معاملات پر غور کرنے کا موقع ہی نہیں ملتا تھا۔