کرک کے علاقے انڈس ہائی وے پر امبیری چوک کے قریب ایک المناک ٹریفک حادثے میں 12 افراد جاں بحق ہو گئے۔
ڈپٹی کمشنر کے مطابق حادثہ اس وقت پیش آیا جب ایک تیز رفتار ٹرالر کی بریک فیل ہونے کے باعث وہ مسافر کوچ اور دیگر گاڑیوں سے ٹکرا گیا۔ حادثے میں 12 افراد کے جاں بحق ہونے کی تصدیق ہو چکی ہے، جبکہ 20 سے زائد افراد زخمی ہوئے ہیں جنہیں فوری طور پر قریبی ہسپتال منتقل کیا گیا ہے۔
ریسکیو ٹیموں نے موقع پر پہنچ کر زخمیوں کو طبی امداد فراہم کی۔ حادثے کے بعد انڈس ہائی وے پر ٹریفک کی روانی متاثر ہوئی۔